Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

ESSCOM mogolim pinopoobus gas id siriba pasar Lahad Datu gisom minogowit kinapataion PATI

esscom 21

LAHAD DATU – Kinoyonon Kotungoligan Poimbida Tisan Kosilahon Sabah (Esscom) minogolim do minopoobus gas id siriba pasar Lahad Datu gisom minogowit kinapataion tolu komulakan kusai ih kikotumbayaan modidikot songkosuaian aiso kasagaan (PATI).

Potunud Bohogian Kourusotiaan Esscom Newmond Tibin minoboros do id sambalik dilo, kotolu-tolu mungui kikotumbayaan mumbal mogidu mantad Karaja Miuhup koubasanan ih pinapanau id kinoyonon do pasar nokomoi.

Ka disio, karaja koubasanan monikid tadau dilo pinapanau do Esscom mimpuun jam ko-8 kosuabon miampai ponumpuan id kinoyonon pasar om pasar sada Lahad Datu kihontolon do momunso mogindapu aiso kasagaan om PATI.

“Sasabap dilo, ogumu tulun mogidu om haro nogi songusa-gusa mogidu. Tolu kusai nokomoi kikotumbayaan luminisok id siriba pasar dilo. Pikikiro jam 10.30 kosuabon, puru operasi id kinoyonon dilo ruminomut do ambulans om Koupisan Bomba om Manampasi montok manahak bantuan kumaa diolo.

“Kotolu-tolu mungui dilo tinangayan kuminaa id Walai Pongubatan Lahad Datu pikikiro jam 12 tangaadau, puru Esscom sinunudan do kotolu tolu kusai nokomoi noiduan ginawo sabap nopusakan soira minogidu om luminisok id siriba pasar,” ka disio id iso kointalangan do hiti.

Tumanud di Newmond, mungui dilo nointutunan do ih Nordin Akang, 16, Lahudin Nasir, 17 om tabangon disio Alex Nasir, 18 mantad Kampung Bakau, Lahad Datu.

Ka dsio, karaja miuhup monikid tadau magasu do PATI dilo pinapanau mantad podii kotimpuunon tulan Koiso nakatalib montok mingisom momorisi kakadaian Lahad Datu mantad PATI. – Bernama

Komen


Berita Berkaitan