Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Esscom minomoto 7 pogumbalan monongoi id Esszone

esscom241

LAHAD DATU – Kinoyonon Kotungoligan Poimbida Tisan Kosilahon Sabah (Esscom) nakaanu minomoto turu pogumbalan monongoi montok mokianu tobusan id Zon Atampasi Kosilahon Sabah (Esszone) mantad podii toun nakatalib kosuang kiis kawawagu id kowoigan Semporna tulan nakatalib.

Komander Esscom Datuk Abdul Rashid Harun minoboros do tinimungan mononongoi dilo kikotumbayaan patantu pongurus ngawi resort ih kaanu manahak kountungan kumaa diolo.

Ka disio, kinalantaian dilo, asil piuhupan om pirotian tosonong mantad kukumaraja Esscom.

“Opuas ginawo ku miampai ponguhupan om pingisaman karaja ih pinokito toinsanan puru koumoligan Esscom, ilo nopo nga Tinimungan Susumangod Malaysia (ATM), Puru Monguasa Maritim Malaysia (APMM) toi ko Polis Diraja Malaysia (PDRM) id suang mangantob kasalaan dumarapas piolitan om ponoruangan tulun taraat kisindata.

“Piuhupan miagal diti nakaanu minomoto turu pogumbalan monongoi id kowoigan Eszszone. Poingkuro po amu tokou milo kolihu om tumilombus mokianu ponguhupan toinsanan puru do momorisi do Esszone mantad modidikot songkosuaian aiso kasagaan (PATI), lolobi kopio tali barut nosiliu dalang kiis mononongoi pogulu diti id Restoran Ocean King, Sandakan…kainou toinsanan miiso monguhup do ESSCom,” ka disio.

Minoboros ih Abdul Rashid miagal dilo soira minanahak boboroson id ababayan pirubaan poimbida Komander ESSCom miampai kukumaraja Briged ESSCom id Markas Briged ESSCom, Cenderawasih, Felda Sahabat, pikikiro 100 kilometer mantad hiti di konihab.

Nokotindapou nogi Potunud Longkod Operasi ESSCom Brig Jen Datuk Tuan Roslan Tuan Ismail, Komander Operasi Tindal Kol Abdul Halim Ismail om tupisor wanan ESSCom. – BERNAMA

Komen


Berita Berkaitan