Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Esscom mingisom papanau karaja mangantob panangayan id Esszone

esscom-km

KOTA MARUDU: Puru tinimungan kotungoligan Kinoyonon Kotungoligan Poimbidan Tisan Kosilahon Sabah (Esscom) mingisom papanau karaja miampai momoguno aset dii haro mantad montok mangantob kasalaan dumarapas piolitan lolobi panangayan id Zon Atampasi Tisan Kosilahon Sabah (Esszone), ka di Kumoduo Potunud Porisikan Esscom ACP Hashim Justin.

Tumanud disio, pingisaman dilo kopiagal tonggungan om karaja dii pinatahak kumaa Esscom, ih mongulud karaja mogisuai suau agensi kotungoligan om portahanan montok madtamong kodaulatan om kotungoligan mogigion Sabah.

Minoboros ih Hashim do oruol ginawo disio haro puru tumilombus monondos do Esscom kosuang amu mamagatang karaja puru kotungoligan Esscom sasabap kinaantakan panangayan id Restoran Ocean King, Sandakan di kawawagu.

“Andasan diolo puru kotungoligan Esscom pikikiro o150 tulun minsimbayan madtamong kowoigan Esszone. Puru Esscom mingisom popoindalan karaja madtamong kotungoligan id kinoyonon Esszone dii oluas mantad Kudat gisom Tawau.

‘Sabaagi tanak tulun Sabah mantad Beaufort/Ranau, yoho sondiri nga mada aantakan kiis panangayan id Esszone. Nga mogigion apatut karati kobolihangkangan panangayan ih otoguang tokou nopo nga suai kopio sabap haro tulun mantad suang toi ko modidikot songkosuaian aiso kasagaan (PATI) ih laid noh poingion id Sabah,” ka disio.

Minoboros isido miagal dilo soira minanahak kointalangan toniba karait kotungoligann id ababayan mongukab puasa id Masjid Kampung Marudu Laut, osomok hiti di konihab.

Nokotindapou nogi ih Potunud Longod Operasi Esscom Brig Jen Datuk Tuan Roslan Tuan Ismail. – BERNAMA

Komen


Berita Berkaitan