Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Esscom minanahan 9 tulun Pakistan id Semporna

gambar toomod
gambar toomod

KOTA KINABALU – Puru Kinoyonon Kotungoligan Poimbida Tisan Kolisahon Sabah (Esscom) minanahan siam kusai Pakistan id Kampung Air Hujung, Semporna, kikotumbayaan aiso surat kasagaan pamanahan tadau Kolimo nakatalib.

Komander Esscom Datuk Abdul Rashid Harun, id iso kointalangan minoboros do toinsanan diolo tinangkap id iso karaja poimbida.

“Mantad kointalangan di naanu puru kikuasa, sontinimungan puru kotungoligan Esscom minonoruang iso walai aiso numbur id Kampung Air om minanahan walu tulun Pakistan, om iso po kawagu tinahan id soliwan do walai dilo.

“Toinsanan diolo tinangayan kuminaa id longkod tupis pulis Semporna pogulu soriukon do Koupisan Imigrisen om mantad ponoriukan, turu mantad diolo noilaan haro kobolihangkangan surat pamanahan,” ka disio.

Daamot dilo, Boyoon Monguasa Koupisan Imigresen Semporna Habib Mohd Rafiee minoboros do toinsanan tulun Pakistan di aiso dokumen kiumur id pialatan 23 gisom 41 toun.

Ka di Habib, limo mantad diolo noilaan nokolobi timpu poingion id Sabah om duo tulun aiso pas toi ko nakasala momoguno Pas Lawatan Sosial (PLS).

“Mogigion songkosuaian dilo kikotumbayaan poingion id pogun diti id pialatan walu tulan om sontoun sitanga,” ka disio. – BERNAMA

Komen


Berita Berkaitan