Sayang Sabah Facebook

Likes
Sayang Sabah Twitter

11,689

Followers

Sayang Sabah - Portal Berita Negeri Kita

Esscom minanahan 47 Pati id suang Op Gasak 4 id Sandakan

10:38pm 15/05/2016 Maryann 0 views Abal Kinoyonon,Berita Pilihan,Kinoyonon,Sandakan

pati-sandakan-600x338
SANDAKAN – Kinoyonon Koumoligan Poimbida Tisan Kosilahon Sabah (Esscom) tadau biano minanahan 47 modidikot songkosuaian aiso kasagaan (PATI) om duo tulun sabap momoguno bot pam id suang Op Gasak 4 id Kampung Bahagia, id kokompungan sakai waig do hiti di baino.

Boyoon Staf Tinimungan Poimbida ESSCom SAC Md. Rusli Mat Junus minoboros do karaja dilo tinimpuunan jam 4 minsusuab om nopupusan jam 10.45 kosuabon monumpuan id kokompungan sakai waig ih kikotumbayaan nosiliu tiyonon lilisokon do PATI.

Ka disio, id karaja dilo soginumu 215 tulun pinorisa om mantad ginumu dilo 110 tulun tinangayan kumaa longkod panahanan daamot (PTS) Sandakan pomorisaan potilombus.

Tumanud disio, kalapas pinorisa, soginumu 47 PATI tinahan om pinatahak kumaa Koupisan Imigresen montok dokumentasi pogulu pootodon muli kumaa pogun nintadon diolo.

“Tinahan yolo abap aiso surat kointutunan pointopot toi ko surat kointutunan di amu pointopot,” ka disio kumaa maganu habar id Longkod Ponimungan Daamot id Kampung Bahagia do hiti di baino.

Nokotindapou nogi ih Boyoon Staf Tinimungan Poimbida SAC Awang Besar Dullah, Monguhup Boyoon Staf Longkod Karaja Kol Nahar Azmi Mahmud, Monghuup Boyoon Staf Tinimungan Poimbida ACP Mohamad Abdul Halim om Komander Briged Esscom Kol. Abdul Razak Harun.

Minoboros ih Md Rusli Ops Gasak diti nopo nga sombohogian mantad pingisaman potilombus Esscom montok momorisi pogun diti lolobi id tisan kosilahon Sabah mantad PATI. – BERNAMA

Apa Komen dan Pendapat Anda

Artikel Berkaitan