Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Esscom mamaramit pamansaian duo poh kawagu PTS

RUJI-PTSKOTA KINABALU- Kinoyonon Koumoligan Poimbida Tisan Kosilahon Sabah (Esscom) mamaramit tosonong pamansaian duo poh kawagu longkod panahanan daamot (PTS) id Zon Atampasi Kosilahon Sabah (Esszone).

Boyoon Tupisor Eksekutif Esscom Ruji Ubi minoboros do pomoruhangan PTS dilo kaanu momonu ginumu tahanan PATI di muhang-ruhang, om potilombus monguhup poposikap karaja paatadan muli toinsanan PATI kumaa pogun diolo.

“Esscom mimang momoguno komudahan diti montok papasanang dotokou popolipat pingisaman papanau karaja miuhup momunso PATI id Esszone. Sabap longkod panahanan daamot ih haro mantad id Tawau, Sandakan om Kota Kinabalu kaanu noh porumpos pikikiro 6,000 gisom 8,000 PATI id iso timpu.

“Sabap dilo, Esscom mamaramit pomoruhangan do PTS id pogun diti om otumbayaan oku kaanu ilo monguhup manalasai kobolihangkangan PATI lobi kiwaya id Esszone,” ka disio soira rinuba maganu khabar kalapas Kursus Perdana Haji Nayatan Sabah (Zon Pantai Barat) ih pinotimpuun dii Yang Dipertua Pogun SabahTun Juhar Mahiruddin id Masjid Universiti Malaysia Sabah, do hiti di baino.

Minoboros ih Ruji miagal dilo soira pinokianu mongulas kointalangan Kumoduo Luguan Montiri ih ponogi Montiri Suang Pogun Datuk Seri Dr.Ahmad Zahid Hamidi do duo poh kawagi PTS kigatang RM50 riong mangan wonsoio id Tawau om Lahad Datu.

Ka dii Ahmad Zahid, koputusan dilo naanu id suang mitingan Komiti Tagayo Pongurusan Tulun Songkosuaian id Sabah tadau Kolimo nakatalib kalapas minonorisid atag Suruhanjaya Ponoriukan Diraja (RCI) karait ahal modidikot songkosuaian id pogun diti.

Tumanud dii Ruji, Esscom miampai agensi ponguatkuasa porinta om pisompuruan di suai potilombus popilipat pingisaman do mangantob kosuangon om mangasu PATI id Esszone. Dii Monica Gidong / SayangSabah.

Komen


Berita Berkaitan