Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Esscom mamagatang tonggungan do RT madtamong kouludon do rayat

Newmond (wanan) mamaramit pokikitanan mantad lalansanon Longkod Ponoriukan om Pinsingilaan Integrasi Nasional, Koupisan Piuludan Pogun om Integrasi Nasional.
Newmond (wanan) mamaramit pokikitanan mantad lalansanon Longkod Ponoriukan om Pinsingilaan Integrasi Nasional, Koupisan Piuludan Pogun om Integrasi Nasional.

TAWAU – Kinoyonon Kotungoligan Poimbida Tisan Kosilahon Sabah (Esscom) mamagatang sumbangan om tongggungan do Rukun Tetangga (RT) lolobi id suang madtamong kaamanan om kouludon do rayat id nayatan kampung lolobi id Zon Atampasi Kosilahon Sabah (Esszone).

Sabap dilo, Potunud Bohogian Kourusotiaan Esscom Newmond Tibin lumansan do Esscom kaanu popoingkawas piuhupan togirot id tanga puru Rukun Tetangga, lolobi id ahal papatahak kointalangan karait korikatan modidikot aiso kasagaan (PATI) toi ko kotungoligan id kinoyonon toiso iso diolo.

“tumbayaan oku maya mogisuai suai aktiviti miampai ih pikikiro pohoroon do Esscom om RT kosuuang nogi ababayan sungkad tukad kaanu manahak kosuulan montok popoingkawas kotungoligan id Esszone.

“Opurimanan tokou montok potilombus kouludan om kotanangan, momorlu sunduan piuludan di ogirot om piisaan di osonong id tanga mogigion,” ka disio.

Minoboros isido miagal dilo soira minanahak boboroson kitulu ‘Piuhupan do Esscom om RT’ pinaanjur Longkod Ponoriukan om Pinsingilaan Integrasi Nasional, Koupisan Piuludan Pogun om Integrasi Nasional, do hiti.

Luminansan isido di Boyoon Tupisor Eksekutif Esscom, Ruji Ubi id bengkel ih notindapou lobi 50 tutumanud RT mantad Semporna om Tawau. – Dii Monica Gidong / SayangSabah

Komen


Berita Berkaitan