Sayang Sabah Facebook

Likes
Sayang Sabah Twitter

11,694

Followers

Sayang Sabah - Portal Berita Negeri Kita

ESSCom lobi aparagat mangantob kasalaan dumarapas piolitan

1:06pm 21/02/2016 Maryann 5 views Abal Kinoyonon,Berita Pilihan,Kinoyonon,Tawau

ESSCOM
TAWAU: Kinoyonon Koumoligan Poimbida Tisan Kosilahon Sabah (ESSCom) amu insan pakadaada, nga lobi aparagat potilombus agenda om pingisaman montok mangantob kasalaan dumarapas piolitan.

Komander dau Datuk Wan Abdul Bari Wan Abdul Khalid minoboros do aiso ruputan karait ESSCom mantad piro-piro linaid diti, okon ko kirati agensi dilo amu papanau nunu-nunu, nga mamalan yolo mekanisme, potilombus karaja om pogirot piuhupan id tanga tinimungan Op Gasak om Op Bersepadu.

“Pakadaada dilo komoyon do kowowoyoon koumoligan aantaban, ESSCom kasasari mingisom om mamalan piro-piro strategi montok mogintong kopio koumoligan om kotoronongon id Kinoyonon Zon Atampasi Kosilahon Sabah (ESSZONE) kasasari ajamin,” ka disio.

Minoboros isido miagal dilo id ababayan Pirubaan do ESSCom Miampai Momuruan Mogigion Kampung Inderasabah do hiti di konihab.

Nokotindapou nogi ih Boyoonn Tupisor Eksekutif ESSCom Noor Alam Khan A. Wahid Khan.

Minoboros ih Wan Abdul Bari do ESSCom sabaaagi entiti mongulud pangantaban koumoligan id ESSZONE, tumilombus manalasai kobolihangkangan ponoludupan, panangayan om modidikot songkosuaian aiso kasagaan (PATI) maya piro-piro karalanon toi ko mekanisme.

ka disio, puru dau tumilombus monginsonong mogisuai-suai ahal kosuang ponguatkuasaan ponuhuan moguung sabap kopuriman kiis panangayan, ponoludupan om ponoruangan nopo nga kobolihangkangan ih insaru otoguang id Tisan Kosilahon Sabah.

Sabap dilo mokianu ih Wan Abdul Bari kumaa mogigion lolobi id ESSZONE do manahak kotumbayaan poimponu kumaa ESSCom do mogintong kopio koumoligan kasasari aantaban miampai poruput kointalangan.

Poompus toun 2015, ka disio, soginumu 129,439 tulun pinorisa id karaja di pinapanau do ESSCom miampai agensi suai kosuang Koupisan Kastam Diraja Malaysia, Koupisan Padsakaian Talun Alun, Koupisan Imigresen om tupis watas.

Mantad ginumu dilo, soginumu 9,610 tulun ginakom sabap mogisuai-suai kasalaan, ka disio. – BERNAMA

Apa Komen dan Pendapat Anda

Artikel Berkaitan