Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

ESSCOM KIHONTOLON MAMAGAMPOT 80 PIHATUS INDEKS AKAUNTABILITI

ruji esscom1
TAWAU, 9 Jan : Kinoyonon Koumoligan Poimbida Tisan Kolisahon Sabah (ESSCOM) kihontolon mamagampot 80 pihatus Indeks Akauntabiliti montok ponorinaan kousinan toun diti.
Potunud Kogumuan Esscom Ruji Ubi minoboros do mulong do kotinanan Esscom wagu po tinuridong nga pakakaraja do hilo, lolobi kopio bohogian kogumuan kiharo komilaan om pangalaman pointantu id karajaon laid diolo.
Sabap dilo, otumbayaan isido maya komilaan om pangalaman dilo kaanu monginsonong sistom om prosedur ponorinaan kousinan Esscom ih nonuan tonggungan papasalaras karaja mogisuai-suai puru kotungoligan om portahanan id Zon Atampasi Kolisahon Sabah (Esszone).
“Otumbayaan yahai kaanu mamagampot rikotin diti asil mantad piuhupan om piuludan puru id suang Esscom amu monutun do iyolo mantad bohogian kogumuan toi ko bohogian kotungoligan.

“Sabap dilo, minpaharo yahai pibarasan karait pongurusan fail mija om rikoton karaja tounan (SKT) monikid bohogian id Esscom id suang mingisom popoingkawas karaja om tonggungan toiso-iso bohogian,” ka disio soira minanahak boboroson id ababayan pongukaban Ababayan Retret Bogogian Kogumuan Esscom, hiti di baino.

Ka di Ruji sistom karaja di lobi osonong kaanu mongingkuri toguran audit ih milo manahak waya amu songkuro osonong om akauntibiliti Esscom. – BERNAMA

Komen


Berita Berkaitan