Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

El-Nino: 118 kampung nakaramit waig oborisi mantad JPAM

elnino
KOTA KINABALU: Koupisan Portahanan Kogumuan Malaysia (JPAM) Pogun Sabah mamaso papanau karaja papatahak do waig oborisi kumaa 118 kokompungan ih nokotoguang waya nopututan do kabagalan waig sasabap El-Nino.

Potunud JPAM Sabah Kolonel (PA) Mulliadi Al-Hamdi Ladin minoboros do toinsanan puru kosuang JPAM om puru ngawi suai miagal Koupisan Bomba, Koupisan Kounalan om Koupisan Karaja Tagayo (JKR) kasasari poinsodia tumoguang korumbakon posorili miagal kowowoyoon EL-Nino dilo.

“Puru JPAM do babaino diti mamaso mingisom do manalasai kobolihangkangan ih naantakan sasabap timpu magadau om gisom baino haro walu watas poimpuli Sabah nokotoguang nopututan kabagalan do waig,” ka disio.

Minoboros isido miagal dilo kumaa maganu habar id ababayan pamagatangan do JPAM om Maganu Habar miampai momuruan Nayatan Kota Kinabalu, id Kompleks Tabung Haji, do hiti di tadau Kolimo.

Ka disio, pikikiro 1,500 liter waig sangadau poluyungon do puru JPAM miampai ponguhupan piro-piro agensi porinta di suai kumaa toiso-iso walai id watas di nokotoguang okurian waig kosuang id Tuaran, Kota Belud, Keningau, Beaufort, Membakut, Kuala Penyu, Sook om Menumbok. – SayangSabah

Komen


Berita Berkaitan