Sayang Sabah Facebook

Likes
Sayang Sabah Twitter

11,702

Followers

Sayang Sabah - Portal Berita Negeri Kita

Duo tinahan natandasan monoruang walai

10:51pm 28/03/2016 Maryann 0 views Abal Kinoyonon,Jenayah,Kinoyonon,Tawau

tahan tawau
TAWAU: Duo tulun kosuang songulun tondu tinahan sabap kikotumbayaan nakaampai id piro-piro kiis monoruang walai posorili watas diti.

Boyoon Polis Watas Tawau, ACP Fadil Marsus minoboros do ih natandasan kusai kiumur 29 toun tinahan pukul 10.16 totuong kosodop id Taman Joying om ih tondu kiumur 45 toun tinahan tadau dilo, pukul 11 totuong id tingkat kotolu iso kadai pongindopuan id Ralan Tawau Lama.

“Ih natandasan kumoiso mumbal sumaap soira tinahan do pulis miampai minopogunsuri korita dau om nokotugu korita suai id tohuri gisom nasansagan o pulis minopokobong piro-piro timbakan montok poundorong korita di natandasan,” ka disio id iso kointalangan do hiti di baino.

Ka disio, ih natandasan kusai pakaraja sabaagi padagang sogirit om tulun kinoyonon noilaan kiharo duo kasalaan nakatalib tumanud Seksyen 457 Kanun Keseksaan om Seksyen 15(1)(a) Akta Dadah Berbahaya (ADB).

Tumanud dii Fadil, asil pomorisaan kumaa bilik di tondu ih kikotumbayaan nakaampai id kiis monoruang do walai id Taman Fook Onn, Jalan Chong Thien Vun kosuabon tadau dilo, nabantalan do pulis babarang kosuang jam longon, golong, rantai om talipaun tiigiton kikotumbayaan pinanakau.

Koduo-duo di natandasan tinahan montok soriukon tumanud Seksyen 457 Kanun Keseksaan, ka disio. –BERNAMA

Apa Komen dan Pendapat Anda

Artikel Berkaitan