Sayang Sabah Facebook

Likes
Sayang Sabah Twitter

11,636

Followers

Sayang Sabah - Portal Berita Negeri Kita

Duo kusai tinahan, naahau mogisuai-suai kakamot pomonsoi bom sada

7:12pm 24/02/2016 Maryann 1 views Abal Kinoyonon,Berita Pilihan,Kinoyonon,Kota Kinabalu

PPM KK
KOTA KINABALU: Tinimungan Polis Marin (PPM) Kota Kinabalu minanahan duo kusai om minangahau mogisuai-suai kakamot kikotumbayaan gunoon montok momonsoi bom sada, do hiti di kosodop.

Komander PPM Wilayah Empat ACP Mohamad Madun minoboros do asil kointalangan tulun ginumuan puru dau minanahann songulun kusai kiumur 39 toun id Jeti Penambang do hiti pikikiro jam 9.45 kosuabon tadau Koduo.

“Mamaso tinahan, kusai dilo id iso korita om mantad pinomorisaan nabantalan apat karung kisuang baja Ammonia Nitrat, 100 unit detonator, om walu gulung sumbu kikotumbayaan gunoon montok mmonsoi bom sada,” ka disio kumaa maganu habar do hiti di baino.

Minoboros isido do, asil ponoriukan kumaa di natandasan, puru dau nakaanu minanahan songulun poh kawagu kusai kiumur 22 toun id toguang do hotel hiti piro-piro jam kalapas natahan o natandasan kumoiso.

“Naahau nogi duo linopot sodium cyanide ih ponogi kikotumbayaan iso mantad kakamot gunoon momonsoi bom do sada,” ka disio.

Minoboros ih Mohamad do asil ponoriukan potilombus kumaa koduo-duo kusai dilo, noilaan do kakamot di kikotumbayaan gunoon montok momonsoi bom sada dilo mangan owito kumaa id Bruneo om gunoon do papanau karaja momoom mdo sada id kowoigan pogun om id piolitan do Sarawak.

Ka disio, koduo-duo kusai dilo tinangayan kuminaa pangkalan PPM Kota Kinabalu om soriukon id siriba Seksyen 8 Akta Kakamot Letupan 1957. – BERNAMA

Apa Komen dan Pendapat Anda

Artikel Berkaitan