Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Duo kolinik 1Malaysia nukaban id Kota Kinabalu

taman-canggih-600x338

KOTA KINABALU – Duo po kawagu Kolinik 1Malaysia id kinoyonon kakadaian Kota Kinabalu nukaban do porinta montok poposonong tulun ginumuan mokianu pongusapan.

Kolinik nopo dilo nga id Polytechnic Commercial Centre (PCC) Sepanggar om Taman Canggih, Inanam ih nokotimpuun noh di tadau ko-1 tulan Kohopod om Duo nakatalib.

Tupisor Kolidasar Kinoyonon Kota Kinabalu Dr. Mohammad Saffree Jeffree minoboros do, miampai pongukaban duo kolinik dilo poposiliu toinsanan Kolinik 1Malaysia id kakadaian diti soginumu siam.

Ka disio, Kolinik 1Malaysia di suai nopo nga Klinik 1Malaysia Kepayan, Tanjung Aru Plaza, Kampung Likas, Darau, Sulaman Sentral, Taman Putera Jaya om Pusat Transformasi Bandar (UTC).

Dr. Mohammad Saffree minoboros do, Klinik 1Malaysia Taman Canggih manahak porkhidmatan kolidasan osonong kumaa mogigion id Taman Bakti Ikhlas, Kampung Warisan om Kampung Kalansanan.

“Montok Klinik 1Malaysia PCC, kinoimbulaion dilo nopo nga papasanang mogigion id Sepanggar om potilombus mongingkuri kasalatan id Klinik 1Malaysia Sulaman Sentral om Klinik Kesihatan Menggatal,” ka disio, hiti di konihab. – Dii Monica Gidong / SayangSabah

Komen


Berita Berkaitan