Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Duo kapal TLDM monguhup karaja SAR mungui natagak id kowoigan Kudat

tldm
KUALA LUMPUR: Susumangod Rahat Diraja Malaysia (TLDM) minapapanau duo kapal dau ilo nopo nga KD Baung om KD Jerung montok tumanud karaja mogihum om manampasi (SAR) apat mungui ih pinoruput natagak soira sinakai bot id kowoigan Kudat, tadau Koiso nakatalib.

Panglima TLDM Laksamana Datuk Seri Ahmad Kamarulzaman Ahmad Badaruddin minoboros do suai ko koduo-duo kapal dilo, piro-piro tinan bot sinanganu TLDM sinuhu papanau karaja dilo miampai Puru Monguatkuasa Maritim Malaysia, Polis Marin om piro-piro agensi koumoligan do suai.

“Minokianu nogi yahau ponguhupan mantad Susumangod Udara Diraja Malaysia montok mogintong kowowoyoon mantad sawat id kinoyonon di lobi agayo montok mogihum di mungui maya kalap rondaan diolo,” ka disio kumaa maganu habar kalapas minopotimpuun Ababayan Derma Darah kopihondot karamaian Tadau TLDM ko-82 do hiti di baino.

Pinokianu nogi dii Ahmad Kamarulzaman mogigion maritim suai miagal monginsada om bot tutumombului id posorili kowoigan dilo do manahak ponguhupan karaja mogihum dilo.

Ka disio, puru dau miampau agensi suai manahak kopoguluanan id karaja SAR mungui om alansan okito yolo osisikap om atampasi.

Tumanud ruputan habar, apat mungui dilo nopo nga duo tulun Sepanyol, songulun rayat China om songulun tulun kinoyonon pinoruput natagak id tindalanon muli mantad Pulou Balambangan id Bangi kumaa id tampat ponginapan diolo id Tanjung Simpang Mengayau, sosodopon konihab. – BERNAMA

Komen


Berita Berkaitan