Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Duo jejambat pikikiro wonsoion id Aeropod KK

pairin
KOTA KINABALU: Kumponi potunda hartanah, SP Setia Berhad minopotimpuun abaabyan mamabak tana montok momonsoi duo jejambat ih kosiliu wayaan sumuang om sumoliwan kumaa Aeropod ilo nopo nga iso porojik pamansaian kawagu sitisin koritapi Tg Aru.

Duo jejambat dilo soninaru 841 meter om 318 meter pikikiro opongo toun 2018.

Ababayan mamabak tana pinoimagon di Kumoduo Boyoon Montiri ih ponogi Montiri Kotundaan Infrastruktur, Tan Sri Joseph Pairin Kitingan om Datuk Bandar, Bandaraya Kota Kinabalu, Datuk Abidin Madingkir.

Tumanud di Pairin, kapamansaian duo jejambat dilo kaanu mogintong pongurusan sistom trafik di tosonong om oulud sabaagi sombohogian mantad porsodiaan montok manampung do porojik tangagayo miagal Aeropod.

“Porojik dilo pikikiro kaanu manahak ginumu kosonongon kumaa mogigion kinoyonon sabap pamansaian do jejambat dilo potilombus kosiliu popiromut kumaa kinoyonon labus kakadaian maya Ralan Kepayan,” ka disio. – Sayang Sabah

Komen


Berita Berkaitan