Sayang Sabah Facebook

Likes
Sayang Sabah Twitter

11,702

Followers

Sayang Sabah - Portal Berita Negeri Kita

Dr Mahathir aiso kopotutan mooi obi urusan UMNO: Salleh

11:39pm 20/03/2016 Maryann 1 views Abal Kinoyonon,Berita Pilihan,Kinoyonon,Kota Kinabalu,Pulitik

salleh
KUALA LUMPUR: Bagas Luguan Montiri Tun Dr Mahathir Mohamad aiso kopotutan montok mooi obi id urusan do Umno sabap isido nopo nga nokosoliwan noh mantad paati dilo, ka di Montiri Piromutan om Multimedia Datuk Seri Dr Salleh Said Keruak.

Tumanud disio, ih Dr Mahathir mongulit kawagu susuyan laid, momohulit ahal di nosimbar noh miampai pointalang om paparaat do paati miampai mogisuaisuai titondos, sadangkan nokotongkiad noh isido.

“Ningkokoton dii Dr Mahathir okito miagal ‘kontradiksi’. Surat poingukab ih tinulis disio pointalang popokito ginawo montok momirumbak do Umno. Tinulisan dau noponu solot kangkab kumaa (luguan montiri) Datuk Seri Mohd Najib Tun Abdul Razak,” ka dii Salleh id sinuratan blog dau, sskeruak.blogspot.com tadau baino.

Montiri dilo minoboros do sokiro osonong o ginawo dii Dr Mahathir montok mongobi popogirot do Umno, amu isido apatut miuhup miampai tinimungan di nosiliu sangod pulitik do Umno solinaid diti.

Minoboros ih Salleh do: “Mipakat miampai sangod ngawi dilo montok mamahaba do porinta di pinili maya demokratik, pointalang okon ko monungolig do Malaysia, nga momirumbak dau.

“Tun Dr Mahathir om tinimungan dau mumbal mogihum ralan toniba paparatu do koporintaan. Amu yolo tumanud ralan demokrasi, ih noubasanan id Malaysia mantad podii nakagabas om amu kaandad do pomilian tagayo,” ka disio.

Maya ponulisan dilo ka dii Salleh, ih Dr Mahathir haro rikoton om agenda pulitik dii takawas.

“Mumbal isido popokito do isido nopo nga lobi tosonong mantad koi h Najib, om papaagal kinosonongon dau miampai piro-piro luguan montiri pogulu diti, nga kowowoyoon dilo amu popokito kowowoyoon dau di pointopot.

“Pointalang ilo, Dr Mahathir amu mokinongou om amu mamaramit nunu nopo sisimbar toi ko kointalangan di amu dau korohian,” ka disio. – BERNAMA

Apa Komen dan Pendapat Anda

Artikel Berkaitan