Sayang Sabah Facebook

Likes
Sayang Sabah Twitter

11,794

Followers

Sayang Sabah - Portal Berita Negeri Kita

DBKK paatag ponginsanangan ababayan Perarakan Berjubah susumikul UMS

12:22am 19/11/2015 Maryann 1 views Abal Kinoyonon,Kinoyonon,Kota Kinabalu

dbkk ums
KOTA KINABALU: Dewan Bandaraya Kota Kinabalu (DBKK) minapaatag mooi insanangan o ababayan Perarakan Berjubah Susumikul Universiti Malaysia Sabah (UMS) miagal papaharo pokikiitanan susuian kinopoonjuran do ababayan dilo.

Mayor Bandaraya Datuk Abidin Madingkir minoboros do ilo nopo nga kituduan montok momusorou kawagu nimpuunon kasarahan do toinsanan susumikul om kosuulon piromutan id tanga mogigon Kota Kinabalu pogulu diti.

“Suai koi lo, posiliu nogi ilo piuhupan om inspirasi kumaa tulun bandaraya id suang mangakat do koubasanan pinsingilaan,” ka disio soira minanahak boboroson id ababayan Perarakan Berjubah Graduan UMS id soliwan do DBKK.

Tumanud disio kotundaan modal insan do UMS kaanu monguhup papalabus graduan di kitoilaan om sumiliu kataadan.

Alansan nogi ih Abidin do mooi graduan ngawi UMS i momupus balajaran kaanu manakadai miampai kirati kumaa DBKK.

“Kounsikahan kumaa UMS tu insan po kawagu minanahak kosiwatan kumaa DBKK montok misokodung papanau ababayan Perarakan Berjubah Graduan UMS i kirati kopio diti.

“Toguangon do UMS id kotundaan modal tuhun posiliu graduan di haro toihaan balajaran di talaab om nogi kaanu popotindooi komilaan sondiri sabaagi iso kalantaian posiliu produk di haro kualiti.

“Maya toilaan balajaran di talaab milo gunoon monontuduk om manahak kopurimanan kumaa komuniti id mogisuai-suai ababayan om osiliu poombitanan kumaa komuniti id labus kampus,” ka disio. – Dewiana Tinggolongon / sayangsabah.

Apa Komen dan Pendapat Anda

Artikel Berkaitan