Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

DBKK paanjur ‘Ponongkusan Bandaraya Aiso Rinomos’ ko-17 tulan Kaapat

dbkk
KOTA KINABALU: Dewan Bandaraya Kota Kinabalu (DBKK) pikikiro papanau ababayan ‘Ponongkusan Bandaraya Aiso Rinomos’ toi ko ‘Litter Free City Run’ ontok tadau ko-17 tulan Kaapat diti id Padang Merdeka, do hiti.

Mayor Bandaraya Kota Kinabalu, Datuk Yeo Boon Hai minoboros do ababayan dilo nopo nga kituduan popokito kowowoyoon koposion di olidas om posorili di oborisi miampai aiso rinomos, kimpin Anti Kutu Sampah om monuduk do mogigion mongurus rinomos potilombus mangangat toinsanan mogigion do manalob Kutu Sampah.

“Alansan oku ababayan miagal diti kaanu poingkawas do kopurimanan kumaa tulun ginumuan om minimban pomusarahan diolo montok miampai madtamong koborisian posorili id kakadaian diti suai ko popoilo pononsunudan Kempen Antu Kutu Sampah mooi toinsanan tulun karati,” ka disio.

Minoboros isido miagal dilo kumaa maganu habar do hiti di konihab.

Tumanud di Yeo, DBKK momorikot sognimu 2,000 tulun tutumanud id ababayan manangkus dilo.

“DBKK mangalap toinsanan tulun di orohian do tumanud ponongkusan diti om yuran kotonudan nopo nga RM35 songulun. Tutumanud kaanu iso rasuk T, e-sijil om ponobutan tikit kinasip.

“Montok 450 tutumanud osopung momupus do ponongkusan dilo, onuan do medal,” ka disio. – Elezebeth Esther/SayangSabah

Komen


Berita Berkaitan