Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

DBKK mamaramit piuhupan madtamong koborisian

dbkk
KOTA KINABALU: Dewan Bandaraya Kota Kinabalu (DBKK) kasasari paanau impohon poingukab kumaa isai nopo puru di manahak ponguhupan madtamong koborisian id kinoyonon kakadaian diti.

Mayor Bandaraya Kota Kinabalu Datuk Yeo Boon Hai minoboros do kosuul o ahal dilo om kopiagal do rikoton om nogi pingisaman do DBKK montok posiliu kakadaian diti oborosi om olumis.

“Rikoton tagayon ababayan diti nopo nga montok poingkawas kokitanan om kointutunan kakadaian Kota Kinabalu sabaagi kakadaian oborisi otomou om osimbayan iyonon,” ka disio kumaa maganu habar kalapas minopotimpuun Ababayan Khidmat Mogigion id tanga DBKK om Kolej Sidma Sabah id Dataran Bandaraya Kota Kinabalu, do hiti di biano.

Ababayan dilo natanud pikikiro 300 tutumanud kosuang susumikul om kukumaraja Kolej Sidma Sabah om Universiti Antarabangsa Unitar om nogi kukumaraja DBKK.

Karaja momorisi dilo notimpuunan mantad Anjung Senja gisom id Suria Sabah.

Daamot dilo Ponorikohon Kolej Sidma Prof Dr Morni Kambri minoboros do maya ababayan dilo ih ponoroon insan id suang tolu tulan, kaanu poingkawas kokitanan Kolej Sidma, okon nopo ko id kaganaan balajaran nga id khidmat sosial. – BERNAMA

Komen


Berita Berkaitan