Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

DBKK lumantoi rikoton aiso HIV korikot 2020

dbkk-bengkel

KOTA KINABALU: Dewan Bandaraya Kota Kinabalu (DBKK) momoguno sokodung toinsanan bohogian i kogompit id suang lumantoi rikoton Projik Bandaraya Kota Kinabalu pougadan Aiso HIV Korikot 2020.

Kumoduo Boyoon Potunud (Karaja) DBKK, Joannes Solidau minoboros, projik bandaraya dino i pinotimpuun di Boyoon Montiri Datuk Seri Musa Aman di Kolimpupuson toun nakatalib nopo nga iso pokimamahaan manalob om panamangan HIV montok mamagampot rikoton ‘Aiso Korolihan HIV Kawawagu , Aiso Diskriminasi om Aiso Kapataion Kogompit AIDS’.

“Iti nogi kopitanud miampai Deklarasi Pulitik HIV/AIDS i nopiokunan do Pogun ngawi ASEAN.

“Saasabap no diti bingkil diti montok mongulud ponguludan, palan kopoindalanan miampai mamagaris laang di wonsoion gisom toun 2020,” ka disido soira minanahak boboroson id karamaian ponutuban Bengkel Palan Kopoindalanan Projik Bandaraya Kota Kinabalu Pougadan Aiso HIV Korikot 2020, id hiti di kawawagu.

Nokotindapou nogi Kumoduo Potunud, Koupisan Kolidasan Pogun Sabah (Bohogian Pongusapan), Dr William Gotulis, Upisol Kolidasan Watas Kota Kinabalu, Dr Mohammad Safree Jafree om Potunud Koupisan Kolidasan Posorili Bandaraya. DBKK, Robert Lipon.

Bengkel solinaid do duo tadau pinapanau DBKK miampai Tupis Kolidasan Watas Kota Kinabalu notindapou kiginumu 43 tutumanud mantad mogisuai suai agensi porinta om tinan okon ko porinta. – Dii Monica Gidong

Komen


Berita Berkaitan