Sayang Sabah Facebook

Likes
Sayang Sabah Twitter

11,780

Followers

Sayang Sabah - Portal Berita Negeri Kita

DBKK ‘Free Wifi’ pinotimpuun id kakadaian

9:53am 16/04/2016 Maryann 0 views Abal Kinoyonon,Berita Pilihan,Kinoyonon,Kota Kinabalu

DBKK WIFI
KOTA KINABALU: Kopiagal dilo rikoton do Dewan bandaraya Kota Kinabalu (DBKK) kaapat, ilo nopo nga popiagal om poingkawas kotundaan mooi rayat kaanu momurimon, ababayan DBKK ‘Free Wifi’ pinotimpuun di konihab sabaagi iso kotundaan kawawgu montok mogigion kakadaian.

Mayor Bandaraya Kota Kinabalu Datuk Yeo Boon Hai, minoboros do porojik diti nopo nga piuhupan id pialatan DBKK om Telekom Malaysia Bhd (TM) montok poimbulai kinoyonon di haro akses internet maya TM wifi montok tulun ginumuan id Lintasan Deasoka om posorili linimput DBKK.

“Internet diti aanu miampai aiso kabarai toi ko maya akaun TM Wifi aiso kabarai solinaid 30 minit sangadau.

“Montok nayatan kotimpuunon, soginumu 10 ‘Acces Point’ (AP) pinapasang do TM id linimput DBKK di tulan Kohopod om Iso toun nakatalib sabaagi nayatan kumoiso kumaa posodiaan komudahan koonuan do internet posorili kakadaian id siriba Kakadaian Pintar TM,” ka disio.

Minobboros isido miagal dilo soira minanahak boboroson id Ababayan Kopotimpuunan DBKK ‘Free Wifi’ id Dewan Mesyuarat DBKK, do hiti di konihab.

Ka disio toinsanan dilo, soginumu lobi 900 AP pnapasang id lobi 200 kinoyonon poimpuli pogun diti.

“Alansan oku mooi pamadakatan do AP id posorili kakadaian diti potilombus oruhangan mooi rikoton do koonuan internet id tanga mogigion kakadaian aanu poingkawason,” ka disio. – SayangSabah

Apa Komen dan Pendapat Anda

Artikel Berkaitan