Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Dawaan porinta amu pointopot manalasai ahal PATI, amu otopot

MUSA
KOTA KINABALU: Nunu nopo kointalangan do monondos porinta amu pointopot om aiso kinoburuon id suang manalasai ahal modidikot songkosuaian aiso kasagaan (PATI) id Sabah pasca Suruhanjaya Ponoriukan Diraja (RCI) karait ahal dilo nga amu otopot.

Boyoon Montiri Datuk Seri Musa Aman minoboros do laang sombohogian puru palabus kointalangan miagal dilo sabaagi amu kitonggungan om momirulong noh do rayat om nogi amu koponguhup do manalasai kobolihangkangan di nokoimbulai.

“Kumoiso, porinta maya mogisuai-suai agensi pointantu nokopoindalan om mamaso noh poindalan mogisuai-suai pingisaman montok manalasai ahal ngawi di nokoimbulai id suang ruputan RCI.

“Koduo, apatut sorohon do ahal om kobolihangkangan di mangan salasaio momorlu ralan panalassaian poinpuli kaampai mogisuai-suai ahal kosuang porundangan. Ilo posiliu lobi apagon sabap kapaampai pogun labus,” ka disio id iso kointalangan.

Musa ih ponogi Ponorikohon Miampai Komiti Induk Pongurusan Modidikot Songkosuaian id Pogun Sabah (JKPWAS), minomugag kointalangan piro-piro momuruan kinoyonon kosuang susumaap id suang habar kinoyonon, mongunsub koporintaan longkod om pogun do poilo “Aiso laang pointalang” kumaa kobolihangkangan di laid noh notoguang mogigion id Sabah.

Tumanud disio, ponguatkuasaan montok mamagakom, mongugad om mangantob kosuangon PATI pinapanau monikid tadau.

Ka disio, mantad tulan Koiso gisom Kohopod toun diti soginumu 148,212 tulun pinorisa om 17,615 tinahan, 24,711 PATI pinaatod muli id pogun diolo. – BERNAMA

Komen


Berita Berkaitan