Sayang Sabah Facebook

Likes
Sayang Sabah Twitter

11,809

Followers

Sayang Sabah - Portal Berita Negeri Kita

Dawaan mogowit sumuang 1.5 riong kukumaraja Bangladesh amu otopot

8:03pm 19/02/2016 Maryann 5 views Abal Kinoyonon,Berita Pilihan,Kinoyonon,Kota Kinabalu

richard-600x366
PUTRAJAYA: Pomusarahan do 1.5 riong kukumaraja Bangladesh pikikiro owiton sumuang id pogun diti nopo nga amu otopot, ka di Montiri Sumber Manusia Datuk Seri Richard Riot Jaem.

Minoboros isido do memorandum pirotian (MoU) id tanga porinta Malaysia om porinta Bangladesh ih sinoinan id Dhaka, Bangladesh kosodop nopo nga langsung amu minapatatap ginumu kukumaraja ih owiton sumuang.

“Ginumu di mangan owito sumuang tumanud kopokionuan puru majikan. Sokiro toiso-iso kumponi momoguno 1,000 kukumaraja, om kumponi dilo mangapalai ginumu kukumaraja di pokionuon diolo. Dadi tumanud dilo nunu ih pinokianu pomorunan kinoyonon,” ka disio.

Minoboros isido miagal dilo id pisidangan habar karait kukumaraja songkosuaian, do hiti di baino.

Ka disio, ginumu 1.5 riong dilo nopo nga ginumu kukumaraja Bangladesh ih nokorijistor miampai Komontirian Kobajikan Ekspatriat om Pakarajaan Soborong Rahat pogun dilo montok mokianu karaja id 139 pogun poimpuli pogun kosuang Malaysia.

Habar kinoyonon Bangladesh kosodop minoporuput do Malaysia om Bangladesh minanain pijonjian pirotian (MoU) montok mogowit sumuang kukumaraja do misusuhut montok timpu limo toun.

Pijonjian dilo sinoinan dii Riot om Montiri Kobajikan Ekspatriat om Pakarajaan Soborong Rahat Bangladesh Nurul Islam.

Riot, nokorikot id Malaysia 4.30 kosuabon baino kalapas minanain MoU itu, minoboros do MoU miampai Bangladesh nopo nga miagal dii MoU suai karait kukumaraja songkosuaian di sinoinan do Malaysia pogulu diti miampai pogun do suai.

Porinta Malaysia minanain turu MoU miampai pogun tadon kukumaraja ilo nopo nga Indonesia, Thailand, India, Kemboja, Pakistan, Sri Lanka om Vietnam suai ko mantad Bangladesh, ka disio.

Minoboros ih Riot do MoU di sinoinan id tanga Malaysia om Bangladesh kosodop nopo nga montok terma perekrutan kukumaraja solinaid limo toun om tumanud do iso simakan kalapas limo toun. . BERNAMA

Apa Komen dan Pendapat Anda

Artikel Berkaitan