Sayang Sabah Facebook

Likes
Sayang Sabah Twitter

11,792

Followers

Sayang Sabah - Portal Berita Negeri Kita

Dalang minonutud 200 walai tinolungku 10 toun

9:10pm 16/02/2016 Maryann 2 views Abal Kinoyonon,Kinoyonon,Sandakan

KEBAKARAN SANDAKAN
SANDAKAN: Kuut Sesyen do hiti minaparatu ukuman tolungku 10 toun kumaa songulun kusai sabap minonutud walai dau ih nintodonon osomok 200 walai suai nouuh notutudan id kokompungan sakai waig Kampung Disayang, Batu Sapi, kotimpuunon tulan diti.

Hakim Egusra Ali minaparatu ukuman kalapas ih natandasan Saudin Musa, 33, minangakun nakasala titondos ih binasa tumanud Seksyen 436 Kanun Keseksaan ilo nopo nga mongumpadan minonutud.

Egusra minonuhu dii Saudin papanau ukuman dilo kalapas opupusan tolungku 20 tulan ih pinaratu do Kuut Majistret sabap kasalaan tawagat id siriba Seksyen 506 Kanun Keseksaan ko-12 tulan Koduo nakatalib.

Tumanud kointalangan kiis, Saudin minonguhod om minonotok walai songulun mogigion Kampung Disayang, jam 9.30 totuong ko-4 tulan Koduo nakatalib momoguno samurai.

Mantad ponoriukan do pulis, ih natandasan miningkarakata kalapas namal piro-piro kusai amu notutunan mamaso moningud do gam pikikiro jam 5.30 sosodopon tadau dilo.

Tapa di natandasan minoporuput do pulis minamadawa ih natandasan minuli walai om miningkarakatan miampai poingigit o samurai pogulu minonutud walai gisom osomok 200 walai suai nouuh nosorob. – BH Online

Apa Komen dan Pendapat Anda

Artikel Berkaitan