Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Dadah: Tolu kusai kinoyonon tinahan

24 lopot do syabu i naahau Bohogian Ponoriukan Kasalaan Nakotik IPD Keningau. – foto Kalawon Sawing
24 lopot do syabu i naahau Bohogian Ponoriukan Kasalaan Nakotik IPD Keningau. – foto Kalawon Sawing

KENINGAU – Tolu kusai kinoyonon tinahan puru kikuasa id ponugkuan kumaa iso walai Porojik Pomuwalaian Rayat Mosikin (PPRT), hiti sabap natandasan nakaampai id patayadan dadah syabu.

Boyoon Pulis Watas, Douglas Taong minoboros do id ponugkuan pikikiro jam ko-10 totuong di kawawagu, Bohogian Ponoriukan Pomusalaan Narkotik Longkod Tupis Pulis Watas Keningau, nokobontol tolu kusai kiumur id pialatan 40 gisom 43 toun id walai nokomoi.

“Soira pinapanau pongintutunan, nabantalan do pulis soginumu 24 linopot mogisuai-suai ginayo kiwinagat pikikiro 10.90 gram kikotumbayaan dadah syabu id suang bilik walai nokomoi. Naahau do pulis toinsanan dadah dilo,” ka disio kumaa maganu khabar, hiti di konihab.

Ka disio, ih natandasan dilo dinawa id Kuut Majistret Keningau di tadau ko-26 tulan Koiso nakatalib id siriba Seksyen 39A (1)(r) Akta Dadah Berbahaya 1952 ih kopogowit hukuman tolungku amu okurang duo toun nga amu kolobi limo toun om posuton okurang intolu om amu katalib siam nung oilaan kasala.

Sundung do ingkaa ka disio, Kuut Majistret do hiti minanahak jominan RM2,000 miampai duo tulun mamajamin kinoyonon kumaa kotolu-tolu di natandasan. – dii Kalawon Sawing / SayangSabah

Komen


Berita Berkaitan