Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

COMBI Luyang poinsodia manahak sakadai montok manangod do denggi

Christina mamaso manahak boboroson id toguang sukarelawan COMBI id ababayan miampai Komuniti Comuniti (COMBI) Luyang om panahakan sijil kurusus COMBI, id Venetian Club - foto Alex Mairin
Christina mamaso manahak boboroson id toguang sukarelawan COMBI id ababayan miampai Komuniti Comuniti (COMBI) Luyang om panahakan sijil kurusus COMBI, id Venetian Club – foto Alex Mairin

KOTA KINABALU – Soginum 32 sukarelawan nakalantoi minomupus kurusus solinaid duo tadau id ababayan Piromutan Montok Koundolihan Kowowoyoon (COMBI) montok monguhup popoingkawas kopurimanan mogigion mangantob do toruol denggi.

Potunud Kolidasan Pogun, Christina Rundi minoboros do kinoingkawason kiis denggi ih pinoruput id kinoyonon Penampang om Kota Kinabalu gisom baino lobi ogumu piagalon toun nakatalib id timpu di miagal.

“Puru Komontirian Kolidasan amu kaanu manalasai kobolihangkangan diti sokiro aiso ponguhupan mantad mogigion,” ka disio.

Minoboros isido miagal dilo soira runuba manganu habar kalapas ababayan Miampai Komuniti COMBI Luyang om panahakan sijil kursus COMBI, id Venetian Club do hiti.

Ka disio kobolihangkangan denggi mantad amu oborisi misorili walai.

“Sabap dilo alansan oku moi tulun ginumuan kaanu papanau karaja momorisi om momilanga posorili walai om kinoyonon diolo,” ka disio.- Dii Dewiana Tinggolongon / SayangSabah.

Komen


Berita Berkaitan