Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

CGC minanahak toluod soginumu RM40 riong kumaa PKS toun nakatalib

 Datuk Seri Musa Aman (tanga) miampai di Datuk Agil Natt (duo mantad gibang) dan Mohd. Zamree Mohd. Ishak (duo mantad wanan) om piro-piro tupisor wanan CGC id tombului apantang kumaa di Musa id Sri Gaya. – foto JKM

Datuk Seri Musa Aman (tanga) miampai di Datuk Agil Natt (duo mantad gibang) dan Mohd. Zamree Mohd. Ishak (duo mantad wanan) om piro-piro tupisor wanan CGC id tombului apantang kumaa di Musa id Sri Gaya. – foto JKM

KOTA KINABALU – Kumponi Credit Guarantee Corporation Malaysia Berhad (CGC) minanahak toluod soginumu RM40 riong montok kotundaan pikikiro 140 mongusaha tongokoro om osuhatan (PKS) id pogun diti toun nakatalib.

Ponorikohon dau Datuk Agil Natt minoboros do, ponikidan pangalasan dilo nopo nga montok PKS ih kogumuan kaampai id pongindopuan momoli papadagang, pamansaian om pomutanaman ih pinapanau duo raan CGC id Kota Kinabalu om Sandakan.

“Toun diti, minopoiliu o CGC rikoton do poposodia poruntukan soginumu RM61 riong montok pongusaha PKS id Sabah, ilo nopo nga 52.5 pihatus oruhangan piagalon toun pogulu diti,” ka disio id tombului apantang kumaa di Boyoon Montiri Datuk Seri Musa Aman id Sri Gaya, Likas , hiti di songkonihab.

Karait kotombuluian dilo, ka di Agil, puru disio minanahak kointalangan toniba kumaa di Musa karait CGC om tonggungan dau popotunda PKS moi lobi kompetitf om dinamik poompus timpu 42 toun.

Otumbayaan isido, kaanu o CGC sumiliu sombohogian mantad ponoluod tagayo montok popoingkawas ningkokoton PKS id Sabah montok timpu anaru.

Daamot dilo, id pinirubaan dilo, minoboros ih Musa do, kotinanan kousinan miagal CGC kitonggungan montok potilombus popotunda PKS loobi id Sabah. – SayangSabah

Komen


Berita Berkaitan