Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

CAPS popogumu ababayan id kinoyonon Parlimen poimpuli Sabah

james baga 15
KOTA KINABALU: Koisaan Ahal Monungolig Momoguno Sabah (CAPS) popoingumu ababayan popoingkawas kopurimanan om komilaan karait kopongunaan id nayatan kinoyonon Parlimen poimpuli Sabah, toun diti.
Porosidin dau James Bagah minoboros do wookon nopo hontolon do ababayan dilo nga montok manahak kopoilaan om komilaan kumaa momoguno ngawi, suai ko popoingkawas gontob kopurimanan diolo lolobi id suang hak momoguno.
Iti kosuang hak mokianu koporluan asas, kotungoligan, kointalangan, pobpilian, pongolon, balajaran kopongunaan, ahal misorili di olidas om hak do popolombus pomusarahan, ka disio kumaa Bernama, hiti.
Tumanud pamalanan, ka di Bagah ababayan kumoiso pikikiro pohoroon diti tulan Kotolu id Kota Belud, ih papaampai pohguhupan mantad Komontorian Pidagangan Suang Pogun, Koporasi om Koponggunaan (KPDNKK) Sabah.
“Kogumuan momoguno id Sabah amu kopio koilo hak diolo sabagi momoguno gisom aantakan do somoonu oudutan yolo di puru aiso tongggungan,” ka disio.
Ka di Bagah, haro kopotutan tungoligon o momoguno id suang mogisuai suai ahal kosuang kotungoligan momoguno kakamot om porkidmatan, nga rikoton toi ko pingisaman do monungolig dilo amu agampot sokiro yolo sondiri amu songkuro koilo nunu kopotutan diolo sabagi momoguno. – BERNAMA

Komen


Berita Berkaitan