Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

`Buku kigambar misasawo kusai”, pinalabus puru minsosondiri: Jame Alip

jame-penyerahan-surat-600x358
KOTA KINABALU – Koupisan Balajaran Pogun Sabah (JPNS) minapaatag moi Komontorian Balajaran Malaysia (KPM) manapis om monilai pogulu poh polobuson ilo buuk ngawi puru minsosondiri moi kopihunung o toinsanan suang om gambar id buuk dilo.

Potunud JPNS Datuk Jame Alip minoboros do apatut o KPM loobi kopio id bohogian Buku Teks mogintong tosorisid toinsanan buuk di posoliwanon do puru minsosondiri ih gunoon id sikul.

Ka disio, toisanan papalabus om padagang do buuk karaja toi ko nunu nopo ponit do buuk haro kogoitan do balajaran nga apatut nogi pootodon pogulu kumaa id komontorian bohogian buuk teks montok intangan moi kopiagal dilo kopokionuan do Koupisan Balajaran.

“Kada aantakan gisom kopisuai dilokokurikulum koupisan balajaran om gambar nga amu kopihunung dilo kowowoyoon koposion rayat pogun diti,” ka disi kumaa maganu khabar kalapas minopotimpuun om minopotunui surat kanaikan pangkat kumaa mongingia ngawi id Wisma Balajaran, hiti di kawawagu.

Minoboros isido miagal dilo soira nuhot karait gambar id suang buuk karaja tangaanak sikul tosiriba kitulu “Keluarga Harmoni” ih nokosibar id laman sosial Facebook.

Tumanud di Jame, buuk karaja nokomoi okon ko Buuk Karaja Buuk Teks KPM, nga ilo nopo pinalabus do kumponi minsosondiri om pinadagang id padagangan poingukab. – Dii Monica Gigong / SayangSabah

Komen


Berita Berkaitan