Sayang Sabah Facebook

Likes
Sayang Sabah Twitter

11,811

Followers

Sayang Sabah - Portal Berita Negeri Kita

BSN nakaramit 746 pangapalaian Skim Pomuwalaian Komulakan

11:51pm 07/11/2015 Maryann 0 views Abal Kinoyonon,Berita Pilihan,Kinoyonon,Kota Kinabalu

bsnKOTA KINABALU: Bank Simpanan Nasional (BSN) nakaramit 746 upalai montok Skim Pomuwalaian Komulakan ih pinosodia montok pasangan komulakan nakasawo montok mananganu walai kumoiso sondiri mantad nokotimpuun ilo tulan Kohopod nakatalib.

Kumoduo Boyoon Perbankan Runcit Datuk Yunos Abd Ghani minoboros do mantad ginumu dilo 405 upalai pinolulus kapaampai posoliwanan tusin soginumu RM101.5 riong.

Skim pomuwalaian dilo pinoumum di Luguan Montiri Datuk Seri Najib Tun Razak maya Bajet 2015 ih wookon kituduan manahak ponguhupan kumaa pasangan komulakan nakasawo kiumur id pialatan 25 om 40 toun miampai pandapatan suang waalai monikid tulan amu katalib RM10,000.

Minoboros ih Yunos do skim dilo aiso timpu pinatantu nga porinta kirikoton gisom 20,000 upalai maan poluluso om konsip nopo nga “Isai Osikap, Isido Kaanu”.

“Toun baino BSN momorikot sokuri-kuri 1,000 upalai gisom kolimpupuson toun diti. BSN mangalap toinsanan komulakan maganau kosiwatan diti,” ka disio.

Minoboros isido miagal dilo kumaa maganu habar kalapas ababayan kopotimpuunan Skim Pomuwalaian Komulakan Nayatan Pogun id raan tagayn BSN Sabah do hiti. – BERNAMA Apa

Apa Komen dan Pendapat Anda

Artikel Berkaitan