Sayang Sabah Facebook

Likes
Sayang Sabah Twitter

11,791

Followers

Sayang Sabah - Portal Berita Negeri Kita

BRT KK pikikiro opongo toun 2020

4:27pm 30/11/2015 Maryann 1 views Abal Kinoyonon,Berita Pilihan,Kinoyonon,Kota Kinabalu

pairin 3
KOTA KINABALU: Kapamansaian Sistom Bus Rapid Transit id Kota Kinabalu (BRT KK) pikikiro opongo toun 2020, ka di Boyoon Montiri Datuk Seri Musa Aman.

Sundung i do ingkaa ka disido, pogulu wonsoion o BRT, koponoriukan kopoguhu miagal do Environmental Impact Assessment (EIA) om Traffic Impact Assessment (TIA) papanahon lobi kopogulu montok mongintong id ralan poinsonong bohogian teknikal, kousinan om kalaja sistom dino.

Ka disido, BRT KK popohompit tolu wayaan kopogulu kininaru 44 kilometer ino nopo nga, Putatan – Kota Kinabalu – Inanam kisinodu 20 km; Kota Kinabalu – Penampang kininaru 11km; om Kota Kinabalu – Alam Mesra kisinodu 13km. Ralan Putatan – Kota Kinabalu – Inanam om Kota-Kinabalu – Penampang wonsion id suang fasa koiso om montok wayaan Kinabalu – Alam Mesra wonsoion id suang fasa ponguludan timpu tanaru.

“Kapamansaian Sistom Bus Rapid Transit (BRT) id Kota Kinabalu toi ko BRT KK pinoboros di Luguan Montiri (Datuk Seri Najib Tun Razak) id suang pason Bajet 2016 ontok 23 Tulan Kohopod 2015 miampai sakadai kiginumu RM1.0 bilion.

“BRT wonsoion do Prasarana Malaysia Berhad (Prasarana) maya ralan Public Private Partnership (PPP). Prasarana nopo nga iso komponi porinta id suang bohogian padsakaian ginumuan om kitoilaan momonsoi BRT koiso id Malaysia ino nopo nga BRT Sunway i nokoimagon nogi di Tulan Koonom 2015 om nokotimpuun no,” ka disido.

Minoboros isido dino ontok minonimbar ponguhatan Puru Dewan Koundangan Pogun (ADUN) Tamparuli Datuk Wilfred Bumburing om Adun Api-Api, Christina Liew, id sesi poguhatan pitimungan dewan koundangan pogun id Dewan Undangan Negeri, do hiti.

Kad di Musa, balanja montok momonsoi BRT popohompit balanja di takawas nga miampai kopuhangon do porinta Longkod BRT KK pinasaga id suang Bajet 2016.

“Iti kirat, Porinta Pogun amu tagal papalabus nuununu sakadai kousinan montok popoburu BRT tu ilo sakadaion poimponu do Porinta Hongkod,” ka disido. – Dewiana Tinggolongon / sayangsabah.

Apa Komen dan Pendapat Anda

Artikel Berkaitan