Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Boyoon Kampung pinokianu poruput pongoputan lotirik aiso kasagaan

sambungan-SESB-haram

KOTA KINABALU- Aktivist Mogigion om Kopotutan Tulun Datuk Patrick Sindu mokianu kumaa Boyoon Kampung om Ponorikohon Komiti Kotungoligan om Kotundaan Kampung (JKKK) do poruput karaja pongoputan lotirik aiso kasagaan id kinoyonon diolo kumaa puru kikuasa lolobi kumaa Sabah Electricity Sdn Bhd (SESB).

Ka disio, kosuul laang miagal dilo okon nopo ko mogintong kopio aiso korugian do SESB nga mogintong amu aantakan koligaganan kosuang kapataion oontok karon lotirik.

“Tumanud piro-piro kumpilin om kiis nakatalib, ogumu tulun noontok do karon lotirik saba dilo pongoputan lotirik aiso kasagaan.

“Kopio nopo nga tulun kampung lolobi Boyoon Kampung om Ponorikohon JKKK lobi kotutun PATI ih papanau pongoputan lotirik aiso kasagaan kosuang popolison do wayar lotirik id gouton.

“Kowowoyoon miagal dilo tantu mogowit koligogonon kumaa mogigion om lolobi ih tumalib id kinoyonon dilo id timpu rumasam,” ka disio do hiti di baino.
Minoboros ih Patrick miagal dilo soira pinokianu mongomi kointalangan Potunud Kouupisan Bomba om Manampasi Sabah (JBPS) Nordin Pauzi tadau Koiso ih mokianu mooi laang osikap onuon montok mogintong amu ohulit kinaantakan songulun puru bomba noiduan ginawo noontok karon lotirik. – Dii Monica Gidong / SayangSabah

Komen


Berita Berkaitan