Sayang Sabah Facebook

Likes
Sayang Sabah Twitter

11,702

Followers

Sayang Sabah - Portal Berita Negeri Kita

Bot monginsada songkosuaian minogidu mantad Maritim Malaysia

10:51pm 21/05/2016 Maryann 0 views Abal Kinoyonon,Kinoyonon,Sandakan

bot nelayan
SANDAKAN: Pogumbalan tekong miampai 14 awak-awak tutlun Vietnam monoruang kowoigan Malaysia montok papanau karaja ponginssadaan aiso kasagaan amu nakalantoi soira toinsanan diolo tinahan do Puru Monguatkuassa Maritim Malaysia (Maritim Malaysia) Watas Maritim 17 Sandakan (DM17) poinsomok Pulou Billean, tadau ko-19 tulan Kolimo nakatalib.

Potunud Maritim DM 17, Kepten Maritim A. Razak Abd Rahman minoboros, Kapal Maritim Malaysia ih papanau rondaan Ops Pluto Timur nokokito tolu bot monginsada ih kikotumbayaan moginsada songkosuaian kumaa id piolitan Malaysia-Filipina pikikiro jam 3.18 sosodopon.

“Kapal Maritim kuminaa id tampat bot monginsada montok papanau pomorisaan nga bot dilo minogidu om amu momoduli pogoduhan do mundorong.

“Kinaantakan migusa nokotilombus solinaid 45 minit om mogowit koligogon kumaa puru monguatkuasa sabap bot do monginsada dilo kobulun do manahub kapal sanganu Maritim Malaysia,” ka diso id iso kointalangan do hiti di baino.

Sabap dilo, montok koumoligan do puru monguatkuasa, pinalabus timbakan kumaa sawat nga iso noh bot di minundorong om ih duo poh kawagu turus minogidu sinoliwan id piolitan Malaysia-Filipina.

Tumanud disio, mantad pomorisaan kumaa bot dilo toinsanan 15 tulun awak-awak kosuang tekong tulun Vietnam kiumur id pialatan 20-40 toun amu nakaanu minopokito nunu nunu kointalangan tinan sondiri om surat pamanahan.

Asil pomorisaan tosorisid, nabantalan kakamot ponimbak do sada montok gunoon mamagakom do sada. – SayangSabah

Apa Komen dan Pendapat Anda

Artikel Berkaitan