Sayang Sabah Facebook

Likes
Sayang Sabah Twitter

11,707

Followers

Sayang Sabah - Portal Berita Negeri Kita

Boros ko ngaran sikul amu intangan manahak sakadai

11:34pm 04/01/2016 Maryann 1 views Abal Kinoyonon,Kinoyonon,Kota Kinabalu

masidi
KOTA KINABALU: Boros toi ko ngaran sikul okon koi so ponopong montok manahak sakadai kousinan nga intangan o koporluan toiso-iso sikul montok poingkawas sinonong do sikul nokomoi.

Montiri Kotombuluian, Koubasanan om Ahal Momoguno Datuk Seri Masidi Manjun minoboros miagal dilo soira minanahak boboroson id ababayan panahakan cek kumaa Sikul Jenis Kabansaan Sina (SJKC), Sikul Menengah Jenis Kabansaan (SMJK) om Sikul Mubaligh id Auditorium Menara Tun Mustapha luminanan di Boyoon Montiri Sabah Datuk Seri Panglima Musa Hj. Aman konihab.

“Sabah nointutunan sabagai pogun di posogulu piuludan om pisuaian ugama om boros amu kosiliu ahal. Migal SJKC Pai Wen Ranau, 65 pihatus mantad susumikul dau nopo nga okon ko tinaru Sina,” ka disio.

Kokitanan miagal dilo popointalang do ahall sikul amu nosiliu ponopong montok maganu balajaran nga tumaid kumaa tina tapa montok paatod tangaanak diolo mongoput balajaran id hombo nopo sikul di pilion diolo.

Ginumu sakadai toun 2015 nopo nga lobi RM20 riong pinatahak do porinta longkod kumaa lobi 100 tinan sikul. – Dii Leolerry Lajius/Sayang Sabah.

Apa Komen dan Pendapat Anda

Artikel Berkaitan