Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Bomba Sabah poinsodia tumoguang timpu magadau

bomba kemarau
KOTA KINABALU: Koupisan Bomba om Manampasi Malaysia (JBPM) Sabah kasasari poinsodia tumoguang nunu nopo kaantakan kotutudan gouton id timpu magadau diti.

Potunud JBPM Sabah Nordin Pauzi minoboros do iti kosuang mogintong ginumu kukumaraja kasasari kosukup id toinsanan balai.

“Kopuriman yahai miampai okuri o rasam om aantakan doti kotutudan do id gouton toi ko nunu nopo sabap kowowoyoon do alasu, kasasari dahai poinsodia,” ka disio kumaa maganu habar id ababayan Ponutupan Pinsingilaan Diploma Pascasiswazah Pongurusan Kogumuan (DPA) do hiti di baino.

Minoboros ih Nordin do koupisan dau gisom baino kiharo tangki waig di kabagal montok tumoguang nunu nopo kaantakan taarau arau id timpu magadai miagal manahak kosukupan do waig id kinoyonon di momorlu om nogi kogunoon montok momisok do kinotutudan.

Daamot dilo, karait Kursus DPA, minoboros ih Nordin do soginumu 70 kadet Tupisor Tadbir om Diplomatik (PTD) nokopupus Modul Pongurusan Korumbakon om Kosimbayanon Kogumuan kalapas nakatanud modul dilo solinaid duo minggu mantad podii ko-29 tulan Koduo nakatalib id Akademi Bomba om Manampasi Malaysia Sabah.

Ka disio, modul dilo pinointutun do Institut Tadbiran Awam Negara wookon kituduan manahak kointalangan kumaa diolo karait pongurusan korumbakon om kosimbayanon kogumuan id pakarajaan. – BERNAMA

Komen


Berita Berkaitan