Sayang Sabah Facebook

Likes
Sayang Sabah Twitter

11,642

Followers

Sayang Sabah - Portal Berita Negeri Kita

Bomba Sabah otumbayaan kaanu momisok notutudan id Kg. Lumut

11:57pm 08/04/2016 Maryann 3 views Abal Kinoyonon,Kinoyonon,Kota Kinabalu

bomba-1-600x366
KOTA KINABALU: Koupisan Bomba om Manampasi Malaysia Sabah otumbayaan kaanu momisok kinotutudan ih minangalab do 100 hektar gouton kapaampau iso tumo om piolitan do Gouton Pinoopi Binsuluk Kampung Lumat, Beaufort, tadau biano.

Monguhup Potunud Karaja koupisan dilo Khairul Azuwan Ibrahim minoboros do puru disio miampai ponguhupan bomba mantad Sarawak om Labuan potilombus karaja dilo ih sumuang tadau ko-11 miampai manahak ponumpuan momisok 25 pihatus poh kawagu kinoyonon di kakal nosorob.

“Pikikiro karaja momisok 25 pihatus poh kawagu kinoyonon di naalab dilo opongoh tadau baino,” ka disio soira rinomut do Bernama, hiti di baino.

Minoboros ih Khairul Azuwan do tumanud kointalangan Koupisan Kogoutanan Pogun pikikiro 200 hektar mantad 12,106 hektar kinoyonon toinsanan Gouton Pinoopi Binsuluk nosorob, nga haro sombohogian kinoyonon di notutudan nopisok noh, om apat poh ih mangan pisoko.

Sabap dilo ka disio, koupisan nokomoi mamaso momonsoi wayaan sumuang id tampat di kakal nosorob montok papasanang do puru bomba papanau karaja momisok sabap aiso wayaan id tindal montok mongoi id kinoyonon dilo. – BERNAMA

Apa Komen dan Pendapat Anda

Artikel Berkaitan