Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Bobolian pinokianu sumoliwan mantad kampung

bobolian 2

KUNDASANG: “Iti kampung diolo om haro kopotutan diolo monuhu dotokou sumoliwan,” Ilo boboroson di Tindarama Aman Sirom Simbuna sosodopon konihab, mamaso disio miampai 12 tambalut bobolian om tulun kawawagu (minsingilo) sumodia mamanau mantad ponginapan Kiram Village id Mesilou Kundasang.

Isido om tinimungan dau pinokianu sumoliwan mantad kinoyonon dilo dii molohingon kampung sabap mogigion kampung amu kasaga koindalan koubasanan doung gulu gulu i mangan daa papanahon tolu tadau mimpuun tadau Kolimo id kinoyonon dilo.

Aman id kinoyonon dilo do papanau koubasan doung gulu-gulu roitan monolob-monogit Gunung Kinabalu, miampai tambalut dau om nogi boyoon ‘bobolian’ mantad tinimungan tinaru suai.

Bohogian koiso ababayan dilo pinapanau tadau Kolimo, montok momorisi ralan do ‘monginsasamod’ id soliwan ponginapan dilo.

“Poingkuro po amu tokou kaanu potilombus kawagu ababayan dilo do hiti sasabap sinuhu yahai sumoliwan mantad hiti. Tumboyoon dahai ponuhuan dioloo sabap karati yahai kosodingon ginawo mogigion do hiti.

Ka di Aman, pibatasan toi ko pijonjian id piolitan tulun toomod aanu babakon nga amu montok pomogunan do ‘suang-suang’ toi ko ‘koduo-duo’.

“Nunu ih notimpuunan tokou do hiti mangan tokou pupusai nga do babaino diti oporlu tokou mogihum kinoyonon do suai. Poingkuro po ososonong yahai om amu awagat ginawo sumoliwan. Mamanau yahai mogihum tampat suai,” ka diiso. – Sayangsabah

Komen


Berita Berkaitan