Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

‘Black Eagle’ amu nakaanu mongolim posoliwan 390 liter petrol

ppm..1-16-600x338

SEMPORNA – Pogumbalan mongolim posoliwan 390 tumau petrol dilo songulun kusaii songkosuaian kiumur 28 toun, noilaan do pulis marin id kowoigan Pulau Omadal, hiti di konihab.
Komander Pulis Marin Nayatan Sabah, Asisten Komisioner, Mohamad Madun minoboros do sontinimungan puru pulis ih mamaso papanau karaja Ops Khas di jaam ko-9.50 kosuabon nakaanu minanahan om minomorisa iso bot pam kitulis tulisan “Black Eagle”.
Tumanud disio, asil pomorisaan, nabantalan do puru dau id suang boot dilo haro 13 jerikin kisuang 30 liter tumau petrol toiso-iso dolo ih kikotumbayaan umbalan mongolim mogoi id Sitangkai, Filipina.
“Kiis dilo id siriba Akta Kastam 1967 om kusai nokomoi tinahan miampai bot pam om duo injin bot dau,’ ka disio, id iso kointalangan hiti di konihab.
Ka di Mohamad puru dau potilombus mingisom papanau karaja om pogintangan montok momunso nunu nopo karaja mogolim id kowoigan pogun diti.
Sabap dilo, kosuul kopio ponguhupan tulun ginumuan do manahak kointalangan karait nunu nopo karaja pomusalaan id konoyonon kowoigan pogun. – Dii Masani Sandan / SayangSabah

Komen


Berita Berkaitan