Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Bisara Lahad Datu: Tinimbak o pulis mamaso mumbal minooi paganu rata

bicara-tanduo-600x367
KOTA KINABALU – Puru pulis mantad Koupisan Ponoriukan Kasalaan Tawagat (CID) ih mumbal minooi paganu rata ih linobong id suang iso luang id tana Kampung Tanduo Lahad Datu, numaan timbako, Kuut Takawas sinunudan di tadau konihab.

Tupisor Koupisan Ponoriukan Kasalaan Tawagat Lahad Datu Insp Abdul Mutalib Harun minoboros do kinaantakan dilo naantakan pikikiro jam ko-1 tangaadau ontok tadau ko-6 tulan Kotolu 2013, soira sontinimungan puru mantad Bohogian Forensik CID luminintuhun id luang kirinalom limo kaki montok maganu di rata.

Id timpu dilo, ka disio songulun tupisor susumangod minomogiak “semua polis berundur ke belakang cepat” miampai minokianu toinsanan 15 tupisor om 75 puru mantad CID mongoi intirung.

“Soira linintuhun o Bohogian Forensik id luang nokomoi, iso timbakan monginsarok-sarok mantad id toguang.

“Id timpu dilo, puru susumangod nga nokomaju noh om minonuli do timbakan,” ka disio soira minanahak kointalangan id bisara 30 minsosondiri ih haro kogoitan kinaantakan pinonugkuan id Kampung Tanduo, Lahad Datu di tulan Koduo 2013.

Sinunudan di Abdul Mutalib o kuut do sontinimungan komando VAT69 nga nokorikot nogi minanahak ponguhupan id kinaantakan mogititimbak dilo.

Soira sontinimungan CID minintirung id tohuri 15 korita pulis ih ginuno montok sinuang id kampong dilo, minoboros ih sasi do nokorongou isido boros id tanga susumangod do minomogiak “haro onon tulun id wanan”.

Bisara id toguang Hakim Stephen Chung id Koupisan Penjara Sabah oputan do tadau baino.

Komen


Berita Berkaitan