Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Bazar Rayat nosiliu tanda kawawagu Watas Kota Belud

bazar kb
KOTA BELUD: Bazar Rayat pikikiro kosiliu iso poh kawagu tanda wagu watas Kota Belud soira opongoh toun 2018, ka di Montiri Kosimbayanon Kakadaian, Pomuwlaian om Porinta kinoyonon Datuk Abdul Rahman Dahlan.

Minoboros isido do Bazar Rayat, dilo wonsoion id kinoyonon soginayo 0.74 hektar miampai gatang RM19 riong, wonsoion miampai kakamot di kosukup om osimbayan montok mogindapu suai ko kosiwatan poingkawas ikonomi mogigion kinoyonon.

Ka disio, bangunan tolu mitingkat dilo pokito kokitanan koubasanan kinoyonon Kota Belud suai ko mogisuai-suai lot pongindopuan posodiaon kosuang nogi bohogian pasar basah, bahan kering, rasuk, kakamot tinunturu om taakanon.

“Bazar Rayat diti pikikiro kosiliu iso poh kawagu pasar di osukupan, oulud om kaanu porumpos ginumu mogindapu id watas diti poingkawas ikonomi diolo.

“Koporluan do mogigion kinoyonon Kota Belud kotilombus osiliu rikoton tagayo ku id suang mamalan kotundaan montok poposimban do watas diti miagal watas ngawi suai di nokotunda,” ka disio.

Minoboros isido miagal dilo soira minanahak boboroson id ababayan mamabak do tana Bazar Rayat Kota Belud, do hiti di baino.

Daamot dilo, moboros kumaa maganu habar ka dii Abdul Rahman, pamansaian do bazar dilo nga iso nogi pingisaman porinta poingkawas kokitanan toi ko imej watas Kota Belud. – BERNAMA

Komen


Berita Berkaitan