Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Batos di Musa okon ko “cerita kosong”

KOTOBIAN TADAU KINOSUSUON KO-64 … Musa (duo mantad gibang) miampai sawo disio Datin Seri Faridah Hussin (tolu mantad gibang) miampai di Potunuud Kumpulan Yayasan Sabah Datuk Sapawi Ahmad, momutul do kek tadau kinosusuon disio ko-64 id ababayan 20 Toun Miampai Yayasan Sabah. - Foto ALEX MAIRIN / Sayangsabah
KOTOBIAN TADAU KINOSUSUON KO-64 … Musa (duo mantad gibang) miampai sawo disio Datin Seri Faridah Hussin (tolu mantad gibang) miampai di Potunuud Kumpulan Yayasan Sabah Datuk Sapawi Ahmad, momutul do kek tadau kinosusuon disio ko-64 id ababayan 20 Toun Miampai Yayasan Sabah. – Foto ALEX MAIRIN / Sayangsabah

KOTA KINABALU – Susuian kaampaian di Boyoon Montiri Datuk Seri Musa Aman id suang Kumpulan Yayasan Sabah nokotimpuun di toun 1995 soira pinili isido sabagi Potunud organisasi dilo potilombus minopotimpuun waya kawawagu kumaa yayasan sinanganu porinta pogun dilo.

Soira minamaramit pomilian dilo, minamatos isido do mongulud miampai osonong om mingisom mongigit organisasi dilo id sunduk takawas om notopot batos dilo om okon ko ‘cerita kosong’.

Nokito ilo soira poompus limo toun id Yayasan dilo, nokotunda lolobi id balajaran.

Kotumbayaan disio kumaa kosuulan balajaran poompus koposion, mingisom isido minopoimbulai Memorandum Pirotian (MoU) karait balajaran id tanga Yayasan Sabah, Koporintaan Pogun miampai Edith Cowan University mantad Australia.

Poingkuro po nasansagan ih Musa popoidu ningkokoton dilo soira pinili sabagi Montiri id Koupisan Boyoon Montiri di toun 1999 soira nakamanang id pomilian tagayo Walai Koundangan Pogun (DUN) Sibuga.

Toun 2003, Musa insan po tinanud id organisasi Yayasan Sabah kalapas pinili sabagi Ponorikohon Lembaga Pemegang Amanah yayasan dilo om potilombus popoundaliu Yayasan Sabah sumiliu iso organisasi di lobi ogirot, miala om nointutunan id nayatan sompomogunan. – Dii NUZIR ANDI SAMSIAR / Sayangsabah

Komen


Berita Berkaitan