Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Bal-bal pinili maskot SIFF 2015

Musa (gibang) minopotimpuun Festival Kesenian Rakyat Sompomogunan (SIFF) Ko-10 id Soliwan Wisma Innoprise. – foto ihsan Jabatan Penerangan
Musa (gibang) minopotimpuun Festival Kesenian Rakyat Sompomogunan (SIFF) Ko-10 id Soliwan Wisma Innoprise. – foto ihsan Jabatan Penerangan

KOTA KINABALU – Festival Kosonian Sompomogunan Sabah (SIFF), iso ababayan kopitopong sompomogunan kihontolon do popointutun koubasanan pogun diti, pohoroon mantad tadau ko-10 gisom ko-15 tulan Kowalu diti.

Ababayan dilo pinotimpuun di Boyoon Montiri Datuk Seri Musa Aman.

Pongurus Tagayo Kotinanan Koubasanan Pogun Sabah, Datu Rusmadi Sulai minoboros do soginumu 15 pogun kaampai id SIFF oun diti.

Pogun nopo dilo nga Slovakia, Latvia, Indonesia, Filipina, South Korea, Russia, Brunei Darussalam, Republik Sakha Yakutia Russia, Kazakhstan, Taiwan, India, Kyrgyzstan, Turki, Mexico om Bangladesh.

“Tuduan papaanjur SIFF montok popointutun piuludan, kaamanan, piobpinaian om kotombuluian maya koubasanan om popoingkawas kopointutuna do Sabah sabaagi rikoton kotombuluian kagayat ginawo id Asia,” ka disio soira rinuba maganu habar do hiti di baino.

Datu Rusmadi minoboros do puru paanjur posodia mogisuai suai ababayan kosuang nogi onom ababayan tagayo poompus onom tadau ababayan SIFF id Wisma Budaya, Lintasan Deasoka, Balai Seni Lukis Sabah om Pusat Kebudayaan Penampang. – Dii Sitti Nor Azizah Talata / SayangSabah

Komen


Berita Berkaitan