Sayang Sabah Facebook

Likes
Sayang Sabah Twitter

11,645

Followers

Sayang Sabah - Portal Berita Negeri Kita

Bakul Holdall tagayo noh kopio id pomogunan pokitanan id Suria Sabah

1:15am 09/11/2015 Maryann 3 views Abal Kinoyonon,Berita Pilihan,Kinoyonon,Kota Kinabalu

Bag-600x387
KOTA KINABALU: Bakul toi Beg Holdall tagayo noh kopio id pomogunan i nakaanu kopoimaganan mantad “World Guiness Record” baino diti pokitanan id longkod pomoli-molian Suria Sabah.

Bakul dilo naanu minomonsoi do sigunumu 1,492 tulun mantad mantad pototongkop pomogunan Malaysia diti minomoguno 2,984 rasuk noguno id suang timpu onom tulan.

Potunud Ponguludan Longod Pingludaan Kinuama Longon Epal, i Fully Chye, minoboros do bakul toi lo beg ‘Holdall’ i kitukuran 25 kaki tinaru, 17 kaki 10 insi rinangou om 9 kaki 11 insi liaab nopongo asil sokodung do toinsanan bohogian, kaampai no puru ngawi Koisaan Seni Monombir Kreatif, 31 oginsi koporintaan, kaampai no Komontirian Pisompuruan Watas, Kotinanan Ahal Bagas Tinimungan Susumangod Malaysia (PERHEBAT) om Kounsol Kotinanan Subang Jaya (MPSJ).

“Au nogi noilihan o institusi pambalajaran miagal do UiTM, Kolej Komuniti, sikul ngawi om ogumu po suai. Lobi kagayat, minumpayat do projek dilo nopo nga mantad potogkop Semenanjung Malaysia, Sabah om Sarawak, insan insan pinopointalang do pisompuruan id pialatan tinaru id pomogunan Malaysia diti do kotilombus apantod mionit,” ka disio.

Minoboros isido miagal dilo ontok rinuba maganu habar id pokikitanan bakul tagayo kopio id pomogunan om pokikitanan lobi 1,000 produk tinombur kreatif id Suria Sabah, do hiti.

Minoboros ih Fully, do tuminimpuun miampai “Winakas Pisompuruan Mantad Pompod Tunturu Lumaang Maya Likod Vinorun” pomusarahan tindama minomonsoi likood vinorun i pinopoimbulai do Longkod Pingluadaan Kraftangan Epal, montok popointalang do pisompuruan rayat amu monutut tinaru om ugama id pomogunan Malaysia diti, kaanu lumaang lobi sinodu maya ponombiran. – Dii Dewiana Tinggolongon / sayangsabah.

Apa Komen dan Pendapat Anda

Artikel Berkaitan