Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Bakti, Pandu Puteri Malaysia popotikid RM248,626 kumaa 8,241 mungui luyud id Sabah

Rosmah Mansur (tolu mantad gibang) papatahak sakadai luyud kumaa songulun susumikul, okito nogi ih Faridah Tussin (duo mantad gibang) om Jainab Ahmad (wanan) id ababayan dilo - foto Ille Tugimin
Rosmah Mansur (tolu mantad gibang) papatahak sakadai luyud kumaa songulun susumikul, okito nogi ih Faridah Tussin (duo mantad gibang) om Jainab Ahmad (wanan) id ababayan dilo – foto Ille Tugimin

KOTA KINABALU – Nasip soginumu 8,2411 tulun di naantakan do luyud id pogun diti nakaanu kosianan mantad Badan Amal dan Kebajikan Tenaga Isteri-isteri (Bakti) om Kotinanan Pandu Puteri Malaysia (PPPM) ih minapatahak sakadai soginumu RM248,626.

Karaja panahakan sakadai pasca luyud pinotilombus id pogun diti om patahakan do sakadai dilo pinapanau di sawo Luguan Montiri ih ponogi Yang Dipertua Bakti om PPPM, Datin Rosmah Mansur.

Id ababayan dilo, soginumu 80 mungui luyud kosuang 30 susumiikul om 10 mongingia mantad watas Membakut om Beaufort nakaramit toluod dilo om wookon di amu nakaramit, onuan id ababayan misuai id kinoyonoon toiso iso diolo.

Monunurat Porinta Pogun Sabah Tan Sri Sukarti Wakiman minoboros do kinaantakan korumbakan sandad misorili dilo naantakan ingonom id suang timpu tolu tulan om minogowit siam watas id Sabah noindamaan noluyudan. Soginumu 2,118 boyoon paganakan pinoundaliu id longkod poundolihan.

Minoboros isido miagal dilo id ababayan panahakan sakadai Pasca Luyud id Auditorium Kompleks Pentadbiran Porinta Pisompuruan Sabah.

Nokotindapou nogi ih sawo Boyoon Montiri ih ponogi Yang Dipertua Bakisa Sabah, Datin Seri Faridah Tussin; Montiri Kotundaan Mogigion om Ahal Momoguno Sabah Datuk Jainab Ahmad; Monunurat Longkod Sabah, Datuk Borhan Dolah om Potunud Balajaran Pogun Sabah, Datuk Jame Alip. – Dii Sitti Nor Azizah Talata / SayangSabah

Komen


Berita Berkaitan