Sayang Sabah Facebook

Likes
Sayang Sabah Twitter

11,791

Followers

Sayang Sabah - Portal Berita Negeri Kita

Bajet RM10 riong montok monginsonong talun alun id Donggongon

11:50pm 01/12/2015 Maryann 0 views Abal Kinoyonon,Kinoyonon,Kota Kinabalu

bobbey
KOTA KINABALU: Puru Koupisan Karaja Tagayo (JKR) minopobantang atag bajet soginumu RM10 riong id Palan Malaysia Ko-11 (RMK11) montok monginsonong talun alun id kakadaian Donggongon, Penampang.

Monguhup Montiri Kotundaan Infrastruktur, Datuk Bobbey Suan minoboros do tadon tagayo nopo kasalatan talun alun id kakadaian Donggongon nga sabap okuri o poilihan do korita.

“Kobolihangkangan okurian do komudahan infrastruktur dilo manahak waya kumaa kasalatan id talun alun lolobi id timpu-timpu pointantu”, ka disio soira minonimbar ponguhatan di Dr Edwin @ Jack Bosi (DAP- Kapayan) id pitimungan walai koundangan pogun Sabah, do hiti.

Tumanud di Bobbey puru JKR nakapanganu piro-piro laang montok monoibau kobolihangkangan dilo kosuang palaab om monginsonong Talun Alun Donggongon – Papar.

“Ralan id kinoyonon dilo mamaso insanangan kumaa duo ralan om pamansaian do ralan diti pikikiro opongoh kolimpupuson toun 2016”, ka disio. – Dii Elezebeth Esther/ SayangSabah.

Apa Komen dan Pendapat Anda

Artikel Berkaitan