Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

`Baby Hatch’ okon ko mongunsub papataam baragang

Baby-1-600x366
KOTA KINABALU – Ababayan “Baby Hatch” ih pikikiro mangan papanaho id pogun diti montok mangantob kobolihangkangan papataam baragang mangan poindalano do KPJ Healthcare Berhad miampai ponguhupan Koupisan Kotorinaan Kobajikan Am Sabah (JPKA).

Ababayan kotundaan sosial korporat (CSR) dilo nopo nga iso mantad pingisaman osonong montok monuduk do mogigion sumiliu mogigion di obingupus om okon ko kihontolon do mongunsub papataam baragang, nga monulung momiara di baragang amu pinoduli id siriba JPKA Sabah.

Montiri Kotundaan Mogigion om Ahal Momoguno Pogun Datuk Jainab Ahmad minoboros do kinoimbulaion do ‘Baby Hatch’ diti nopo nga montok mogintong kopio baragang di amu podulion haro tiyonon di osonong miagal di pinosodia do KPJ Healthcare.

“Koilo tokou do, pataaman do baragang kogumuan wonsoion sombohogian tinimungan komulakan koonduan ih nakalanjur nga otingayaman om modosi do tumoguang katapatan,” ka disio.

Minoboros isido miagal dilo soira rinuba kalapas panambarasan oniba mantad KPJ Healthcare Berhad id tupis disio id Wisma Tun Faud Stephen, hiti di baino.

Tumanud di Jainab, tiyonon do baragang di amu kidouso dilo okon ko id pataaman do rinomos, okon ko id rahat toi ko id hombo-hombo nga apatut mangan piarao id kinoyonon di osonong. – SayangSabah

Komen


Berita Berkaitan