Sayang Sabah Facebook

Likes
Sayang Sabah Twitter

11,702

Followers

Sayang Sabah - Portal Berita Negeri Kita

Azmin okito miagal monori kopotutan porinta Sarawak – Ngo Pro BN

11:49pm 02/05/2016 Maryann 0 views Abal Kinoyonon,Kinoyonon,Kota Kinabalu,Pulitik

Azmin-Sarawak-685x320-600x280
KOTA KINABALU: Kointalangan Kumoduo Porosidin PKR Datuk Seri Azmin Ali ih kumodou sumuang id Sarawak tadau suab miagal mumbal monori kopotutan porinta Sarawak ih mangantob disio miagal dilo, ka di Porosidin Pakatan Ngo Pro Barisan Nasional (BN) Zulkarnain Mahdar.

Ka disio Sarawak haro kopotutan do mangantob toi ko mogodu isai-isai nopo tulun sumuang id pogun diti miagal di poinsuang id Pijonjian Malaysia soira Sarawak om Sabah miampai minonuridong do Pisompuruan Malaysia toun 1963.

Tumanud disio sokiro Montiri Tagayo Selangor dilo kakal kumodou potilombus ginawo dau do sumuang id Sarawak sundung noduhan isido milo kaanu poimbulai kototogod rayat Sarawak kumaa dau.

“Sabap laang dilo Montiri Tagayo Selangor miagal mogumbal do kuasa imigresen ih nosiliu kopotutan do porinta pogun Sarawak. Ahal imigresen ahal di osoding kopio kumaa sombohogian tulun mamasok Sarawak.

“Soira okito ih Azmin mumbal monori kooturan toi ko undang-undang karait kopotutan do imigresen diti, kotongob kaanu poimbulai laang amu osonong kumaa dii Azmin,” ka disio id kointalangan do hiti di baino. – BERNAMA

Apa Komen dan Pendapat Anda

Artikel Berkaitan