Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Atag sakadai monikid tulan kumaa Malim Gunung mangan adango: Jainab

Datuk-Jainab-Ahmad-Ayid

KOTA KINABALU: Komontirian Kotundaan Mogigion om Ahal Momoguno Sabah pikikiro mangadang atag do manahak sakadai monikid tulan kumaa malim Gunung Kinabalu ih natagakan pandapatan soira naantakan noguyu tana ontok tadau ko-5 tulan Koonom nakatalib.

Montiri dau Datuk Jainab Ahmad Ayid minoboros do piro-piro ahal apatut mangan adango pogulu putuson sabap ginumu mamaramit sakadai monikid tulan id Sabah gisom bainoo nopo nga soginumu 77,000 tulun kapaampai poruntukan RM220 riong.

“Sabap dilo, intangan tokou tumanud pandapatan om piro-piro ralan do suai ih kaanu monguhup diolo suai ko manahak piuhupan miampai piro-piro puru porinta suai,” ka disi kumaa maganu habar do hiti di tadau Kaapat.

Jainab ih ponogi Porosidin Kounsil Porkhidmatan Mogigion Sabah (MPMS) minoboros do montok monguhup do malim gunung di natagakan pogihuman pandapatan, MPMS minonuridong Tabung Bencana Gempa Bumi di tadau ko-7 tulan Koonom nakatalib om gisom baino nakaanu minonimung soginumu RM350,000.

Ka disio soginumu RM53,600 pinotikod kumaa 163 malim gunung, apat paganakan malim di nokorundun om siam sukarelawan mantad Sabah Santuary Lodge.

Daamot dilo ka di Jainab Oceanus Waterfront Mall nga minanahak nogi sakadai soginumu RM100,000 kumaa malim gunung ih nakaampai id kinaantakan noguyu tana dilo. – Bernama

Komen


Berita Berkaitan