Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Atag monimbun ‘open pit’ mangalai kolingkabung waig kiasid

masidi

KOTA KINABALU – Porinta pogun amu poh nokoposodia kolam rawatan montok mamarawat Asid Mine Drainage (AMD) id koiyonon bagas Lombong Tembaga Mamut, Ranau.

Montiri Kotombuluian, Koubasanan om Ahal Misorili Datuk Masidi Manjun minoboros do, sundung do ingkaa, iso kulam poimbida winonsoi soira kalabai o waig mantad `open pit’ om kotimung id waig Bawang Mamut montok porosis pamalanakan pogulu koluyung id sistom bawang.

“Waig dii haro AMD poinglingkabund id suang `open pit’ id kinoyonon bagas lombong dilo. Nunu ih korosian sokiro ababak o limput dilo ‘open pit’ papasabap kalabai o waig ih haro AMD gisom mongindaraat tulun ginumuan,” ka disio id pitimungan walai koundangna pogun do hiti di baino.

Minoboros isido miagal dilo soira minonimbar ponguhatan dii Chan Foong Hin (DAP-Sri Tanjong) do kinaantakan noguyu tana id Ranau di kawawagu minanahak waya kumaa kulam rawatan id Lombong Mamut om laang do porinta pogun mogintong kopio aiso waig kalabai mantad kulam dilo sokiro aantakan gumuyu tana id timpu abantalan.

Tumanud di Masidi, kointalangan mantad Koupisan Mineral om Geosains, lilimput `open pit’ ih porumpos lobi kurang 20.6 riong meter padu waig kiharo AMD amu naraag sasabap noguyu tana di nakatalib. – Dii Sitti Nor Azizah Talata / SayangSabah

Komen


Berita Berkaitan