Sayang Sabah Facebook

Likes
Sayang Sabah Twitter

11,789

Followers

Sayang Sabah - Portal Berita Negeri Kita

Atag Luyor Pogun monoriuk kawagu ukuman OSA pokito agayo kinoposuon kointalangan: Salleh

10:25pm 08/02/2016 Maryann 1 views Abal Kinoyonon,Kinoyonon,Kota Kinabalu

pc
KOTA BELUD: Ataga Luyor Pogun Tan Sri Mohamed Apandi Ali do monoriuk kawagu hukuman Akta Rahsia Rasmi (OSA) 1972 nopo nga popokito kinoposuon kointalangan rahsia porinta ahal tagayo, ka di Montiri Piromutan om Multimedia Datuk Seri Dr Salleh Said Keruak.

Minoboros isido do atag montok poundaliu akta dilo montok tuduan poontok hukuman di lobi awagat kumaa diolo di momosu rahsia pogun toi ko porinta nokito pointalang o porinta tumopot manalasai kobolihangkangan dilo.

“Ih tokou haro tongggungan do patantu amanah di pinatahak kumaa dati mositi poopion tososonong sabap kowowoyoon (momosu kointalangan rahsia porinta) dilo kaanu manahak waya kumaa koumoligan pogun,” ka disio.

Minoboros isido miagal dilo kumaa maganu habar sabaagi mongulas atag luyor pogun karait ahal dilo, id walai poingukab Toun Wagu Sina Kapitan Cina Andy Chua id Kampung Tombol Kota Belud do hiti di baino.

Kawawagu, iso karatas habar Sina minoporuput om minanganu boros dii Mohamed Apandi sabaagi mimboros, mamaso isido mangadang poundaliu OSA montok poingkawas hukuman kumaa diolo di kaampai momosu rahsia porinta om pogun om iyolo ih poruput habar karai rahsia dilo.

Luyor Pogun minoboros do, intangan kopio disio komungkinan poontok hukuman tolungku soumur umur om 10 soputon montok di nakasala.

Nokotumboyo nogi ih Salleh pomusarahan dii Kumoduo Luguan Montiri Datuk Seri Dr Ahmad Zahid Hamidi mooi isai-isai nopo puru amu populitik koputusan luyor pogun dilo, minoboros do porinta tantu mamaramit tosonong om mokinongou pandapat mogisuai-suai puru pogulu posoliwanon o koputusan rasmi.

“Tantu noh do nunu nopo atag om pomusarahan mantad rayat mangan tokou sorisido pogulu maganu nunu-nunu laang, nunu ih kosuul, amu tokou apatut populitik ahal diti miagal di pinotosol di kumoduo luguan montiri,” ka disio.

Karait monunurat habar ih oontokon do laang sokiro monungolig toi ko amu pointalang tadon kointalangan dii naanu, ka dii Salleh toiso-iso maganu habar id pogun diti mositi haro tanggungjawab poruput do habar om yolo amu apatut kopomusorou do amu obuli pointalang tadon kointalangan sabap madtamong etika kewartawanan.

“Kadang-kadang (habar) diti oposu mantad kointalangan bocor potinta om ilo nopo (koposuon kointalangan) nopo nga iso kasalaan. Sokiro ih monunurat poruput ahal di nakasala id siriba kooturan, om potilombus ih monunurat habar nga kaampai nakasala,” ka disio. – BERNAMA

Apa Komen dan Pendapat Anda

Artikel Berkaitan